Bardhi kërkon debat në Kuvend për episodin e RAI3: Qeveria lidhje me krimin

Gazmend Bardhi ka kërkuar që të enjten në parlament të zhvillohet mocion me debat mbi episodin e Rai3, për masat që duhet të marrë Kuvendi i Shqipërisë për prerjen e lidhjeve të krimit të organizuar sipas tij me qeverisjen.

“Edi Rama duhet të japë dorëheqjen pasi i ka dhënë krimit statusin e të paprekshmëve për 11 vjet”,- thekson Bardhi.

Më pas në një reagim në rrjetet sociale, kryeministri Rama shkruajti me ironi se “u mbars mali polli një mi dhe tani minj, hardhuca e zhapikë kanë kohën e ahengut të fitores në humbje”. Rama e vijon reagimin se është koha e daljes “së shpirtit të së keqes dhe se Shqipërinë as e ndal dhe as e nëpërkëmb dot askush.///