Basha kujton 4 efektivët e policisë që ranë në krye të detyrës: Nderim për dëshmorët e luftës kundër krimit

 Kryetari i Partisë Demokratike Lulzim Basha kujtoi sot 4 efektivët e Policisë të vrarë në krye të detyrës, Fatos Xhani, Altin Dizdari, Kastriot Feskaj dhe Sajmir Duçkollari.“Nderim për dëshmorët e luftës kundër krimit, oficerët e antimafias Fatos Xhani, Altin Dizdari, Kastriot Feskaj, dhe Sajmir Duçkollari. 11 vjet më parë, ata u vranë në krye të detyrës, por drejtësia akoma nuk është bërë”- shprehet Basha.Sipas tij, “Dëshmorët e Atdheut po rivriten nga qeveria ortake e krimit të organizuar dhe nga drejtësia e kapur. Gjatë këtyre 7 viteve në koordinim me narkoqeverinë janë kryer të gjitha makinacionet dhe skemat për të blerë lirimin e Dritan Dajtit, vrasësit të 4 policëve”.“Një shoqëri ku krimi dhe qeveria bashkëjetojnë e ndajnë favore nuk mund të ketë kurrë paqe dhe zhvillim. Ndarja e politikës nga krimi, dhe goditja pa mëshirë e krimit të organizuar është detyrimi ynë më i madh. Drejtësia do të bëhet! Gjaku dhe sakrifica sublime e dëshmorëve të luftës me krimin nuk do të shkojë dëm”,- shprehet Basha.///