Sekuestrohet gomonia me 1.2 ton drogë në Greqi, arrestohet skafisti shqiptar

Mediat greke raportojnë për kapjen e një gomone me drogë në vendin e quajtur Marmario Mani.

Gomonia është pikasur në një zonë shkëmbore të Peloponezit të hënën, dt.12. Droga llogaritet në rreth 1.2 ton mërijuani.

Ndërkohë në pranga deri tani është vënë drejtuesi i gomones, një shtetas shqiptar.

Mediat greke shkruajnë se gomonia duket se ishte ngarkuar me drogë në brigjet e Shqipërisë, por nuk dihet se ku e kishte destinacionin përfundimtar.

Droga e sekuestruar kap shifrën e 2 milionë eurove.///