Ankimimi i Belerit, Gjykata e Apelit ia kalon çështjen për kompetencë GJKKO-së

 Gjykata e Apelit të Juridiksionit të Përgjithshëm në Tiranë nuk e ka shqyrtuar ankimimin e Fredi Belerit dhe Pandeli Kokaveshit, të cilët kanë kërkuar që të vlerësohet si i paligjshëm arrestimi i tyre nga policia e Vlorës.

Gjithashtu ata kanë kërkuar nga kjo gjykatë edhe rrëzimin e kërkesës së prokurorisë për caktimin e masës së sigurimit personal.

Në njoftimin për mediet publikuar në faqen zyrtare, Gjykata e Apelit të Juridiksionit të Përgjithshëm bën të ditur se gjyqtari Fuat Vjerdha vendosi dërgimin e akteve gjykatës kompetente, Gjykatës së Posaçme të Apelit për Korrupsionin dhe Krimin e Organizuar.///