Artikulli i “Decanter” për verërat shqiptare, Krifca: Industri me potencial për ekonominë rurale

Revista prestigjioze botërore “Decanter” i ka kushtuar një artikull verërave shqiptare.

Gazetari i mirënjohur Darrel Joseph ka dhënë një pasqyrë kuptimplotë të zhvillimit të vreshtarisë dhe verëtarisë në vend, çka ai konstatoi vetë gjatë vizitës në territor në nëntor, e të cilën e ka pasqyruar në faqet e prestigjiozes botërore “Decanter”.

Ministrja e Bujqësisë dhe Zhvillimit Rural, Frida Krifca ndau shkrimin e “Decanter”, ndërsa theksoi se “pas miratimit të ligjit të ri të vreshtarisë dhe verës, po punojmë për përfundimin e kadastrës së vreshtave, ndërkohë që fuqizojmë përditë e më shumë bashkëpunimin dhe mbështetjen me vreshtarët dhe prodhuesit e verës”.

Krifca tha se vëmendja e “Decanter” është një tjetër sukses ndërkombëtar për këtë industri me potencial të jashtëzakonshëm për ekonominë rurale në vendin tonë.///