Balla në Palasë: Respektim normave të zhurmës së muzikës nga operatorët e shërbimit në plazh

Pas Himarës, Ministri i Brendshëm, Taulant Balla e vijoi në Palasë turin e inspektimeve për të parë zbatimin e masave për parandalimin e zhurmave akustike nga baret dhe restorantet në plazhe.

“Policia e Shtetit duhet të garantojë respektimin e normave të zhurmës së muzikës nga operatorët e shërbimit në plazhe si dhe të garantojë orarin e mbylljes së muzikës që është ora 24:00. Duhen bërë disa shembuj, pasi ka ankesa edhe nga pushuesit për bizneset të cilat kalojnë masat”, tha ai.

Më herët, Balla takoi edhe drejtuesit e policisë së drejtorive vendore në Himarë e Dhërmi, ku diskutoi mbi masat gjatë sezonit turistik.///