Basha: Rritje e madhe e çmimeve të shportës ushqimore

Kreu i Partisë Demokratike, Lulzim Basha ka premtuar uljen e çmimeve të ushqimeve duke luftuar monopolet dhe klientelizmin.

Duke reaguar në lidhjet me studimin e publikuar nga EUROSTAT (Instituti i Statistikave Europiane), ku Shqipëria rezulton me rritje të çmimeve të shportës bazë ushqimore, Basha tha se me ardhjen e demokratëve në pushtet, do të ndërtohet një qeveri që kujdeset për njerëzit, në vend të një qeverie që kujdeset për veten dhe klientët e saj.

“Shqipëria renditet e 3-ta në Europë për rritjen e çmimeve të shportës bazë ushqimore. Të dhënat e publikuara nga EUROSTAT tregojnë se Shqipëria ka rritjen më të madhe të çmimeve të ushqimeve në Europë! Gjatë 7 viteve të dështuara të Edi Ramës, çmimet e ushqimeve në Shqipëri janë ngritur në stratosferë. Durimit i ka ardhur fundi!”,- thekson Basha

“Ne do të ulim çmimet e ushqimeve duke luftuar monopolet dhe klientelizmin, dhe do të kemi një qeveri që kujdeset për njerëzit, në vend të një qeverie që kujdeset për veten dhe klientët e saj”,- premtoi kryetari i PD, Lulzim Basha///