Berisha: Shpallja non grata më ktheu në skenën politike, Basha kërkonte të bënte qeveri me Ramën

Kryetari i Partisë Demokratike, Sali Berisha në një intervistë për emisionin “Top Story” në Top Channel, tha se shpallja e  tij si non-grata nga Shtetet e Bashkura të Amerikës e bëri që të rikthehej në skenën politike.

“Në Shqipëri u godit një njeri që nuk kishte funksione drejtuese në PD, por ishte një avokat i qëndrueshëm i interesave të shqiptarëve. Më kthyen në skenën politike. Fakti që menduan t’i jepnin vendit im një opozitë kukull, kjo bënte që Sali Berisha të mos pajtohej me këtë dhe i tha vetes 100 herë një thënie të vjetër “Zot më mbro nga miqtë, se nga armiqtë mbrohem vetë”, u shpreh Berisha.

Ndër të tjera Berisha u ndal te masa ndaj tij “arrest në shtëpi”, ku tha se “pasi dështuan me kontrollin e opozitës, zgjodhën arrestin tim pa anjë provë dhe fakt”.

Gjatë intervistës, Berisha theksoi se asnjë zgjedhje nuk është fituar në formë të drejtë nga Rama, ndërsa solli në vëmendje edhe arrestimin e ish-deputetit Çyrbja. “Rama nuk do të pranojë kurrë të dorëzojë pushtetin. Në të gjitha stadardet, Edi Rama nuk ka fituar zgjedhjet”, tha ai.

“Deputeti i Durrësit( Çyrbja) i kishte votat nga Abdylajt, Troplinët, Dervishët me shokë. Çyrbja një anonim absolut vendosej i treti në listë nga Rama pa marrë një premtim të votave. Nëse i fitonte zgjedhjet nuk do e linte opozitën pa asnjë qindarkë financim. Nëse i fitonte ato zgjedhje nuk do bënte atë që bëri me Pëllumb Gjokën, me Troplinët në Durrës dhe Shijak. Zgjedhjet në 2021 ishin një farsë”, tha kreu i PD.

Berisha shtoi se “unë kam deklaruar se vota vdiq pa hyrë në kuti, dhe jam i bindur që Rama nuk i fitoi zgjedhjet. Lulzim Brava kërkonte të bënte koalicion me Ramën. Dale t’i marrim gjërat siç janë. Kjo është e vërteta”, tha ai. /Top Channel///