Deputetja e Partisë Demokratike, Ina Zhupa, është shprehur se pushteti politik në Shqipëri i shërben banditëve. Komentet Zhupa i bëri gjatë fjalës së saj në Kuvend, ku komentoi mbi dhunën e ushtruar nga rojet privatë ndaj qytetarëve.
Zhupa tha se banditë me maska dhunuan, tërhoqën zvarrë dhe hodhën spraj me piper ndaj qytetarëve, ndërkohë që sipas deputetes, efektivët e Policisë së Shtetit nuk ndërmorën asnjë veprim.
“Shteti ka degraduar, kur pushteti haptazi i shërben banditëve të tij. Banditë të veshur me kapuçë të zinj, të cilët tërhoqën zvarrë qytetarët shqiptarë protestues. Këtu po të ndërtosh një derë në kasollen e dhive, të shikon shteti, ndërkohë që të vendosësh tela me gjemba në zonën e mbrojtur, nuk të shikon shteti. Ndërkohë që i hodhën spray policisë dhe policia rrinte si më e paafta në botë, sepse banditët kishin mbrojtjen shtetërore. U mjaftua Policia e Shtetit duke thënë se ‘do të pezullojë drejtorin’. Do ta lërë 2 javë në shtëpi me pushime. Në fakt aty kemi të bëjmë me rastin e shpërdorimit të detyrës”, tha mes të tjerash Zhupa.(Shqiptarja)///
ME SHUME LAJME
48-vjeçari shqiptar arratiset nga burgu Koridhalos në Athinë
Zvërneci. Ish-kryeministri grek Tsipras i përgjigjet Ramës: Mos më bëj leksione nacionalizmi mua
Flet qytetari që u dhunua gjatë protestës në Zvërnec: “Nuk po merrja dot frymë”. Flasim edhe greqisht, kjo nuk na bën më pak shqiptarë