E ktheu shtëpinë në fermë kanabisi, arrestohet në Angli shqiptari, vidhte edhe energjinë elektrike

Një shqiptar në Angli e shndërroi shtëpinë e tij në një fermë kanabisi, ku çdo cep të mundshëm e kishte shfrytëzuar për të kultivuar dhe tharë bimë narkotike.

Oficerët në South Yorkshire arritën që të vendosnin në pranga shqiptarin e identifikuar me emrin Agim Pashaj.

Dyshimet u ngjallën kur banorët u ankuan për energji të ulët dhe kompania e energjisë elektrike njoftoi policinë pasi konstatuan se energjia elektrike ishte vjedhur nga shqiptari.

Pashaj i tha policisë: “Unë e gjeta veten të mbërthyer në Mbretërinë e Bashkuar pasi nuk kisha para të mjaftueshme për të udhëtuar në shtëpi në Shqipëria”, duke justifikuar kështu aktivitetin e paligjshëm.

Tharja e kanabisit bëhej në korridor dhe shkallë. Pashaj, 49 vjeç, aktualisht nga HMP Doncaster, u deklarua fajtor për prodhimin e kanabisit, dhe u dënua me 27 muaj burg.///