Falcone, frymëzim për magjistratët e përkushtuar ndaj drejtësisë së vërtetë

Kryetari i Partisë Demokratike, Lulzim Basha e ka cilësuar si një frymëzim për çdo magjistrat të përkushtuar ndaj drejtësisë së vërtetë dhe përparimit të vendit të tij, gjykatësin italian, Giovanni Falcone, i cili u vra nga mafia 28 vite më parë.

Basha ripublikoi një mesazh të ambasadorit të Bashkimit Europin në vendin tonë, Luigi Soreca në kujtim të gjykatësit italian, Falcone, ndërsa theksoi se ndëshkimi i korrupsionit politik dhe i krimeve elektorale parakusht për integrimin në BE.

“Giovanni Falcone është frymëzim për çdo magjistrat të përkushtuar ndaj drejtësisë së vërtetë dhe përparimit të vendit të tij. Ndëshkimi i korrupsionit politik dhe i krimeve elektorale të pushtetarëve në bashkëpunim me krimin e organizuar, janë parakusht për integrimin e Shqipërisë në Bashkimin Europian.”, tha Basha