Greqi/ Zbardhet masakrimi i shqiptarit në oborrin e tij, fqinji e vrau për 130 euro

Zbardhet vrasja e një 65-vjeçari shqiptar në zonën e Artemidha, në periferi të Athinës.

Policia greke ka zbuluar se përgjegjës për krimin e 11 majit, është një 34-vjeçar shqiptar, fqinj i viktimës.

Nga hetimet e kryera, rezultoi se shkak për krimin janë bërë 130 euro të cilat viktima ia kishte marrë bashkëkombasit të tij, i cili punonte në ndërtim.

Por pas refuzimit për t’ia kthyer, situata ka degraduar në konfrontim fizik.

Si pasojë e dëmtimeve të marra 65-vjeçari shqiptar gjeti vdekjen në spital.

U deshën tetë ditë hetime që policia greke të zbardhte ngjarjen dhe të vinte në pranga 34-vjeçarin shqiptar.