Jug: “Iso mbi kalldrëm”, fundjavat polifonike çelin siparin në Gjirokastër

Nga Blerim KORE

Iso-polifonia do të zbresë çdo fundjavë në Pazarin karakteristik të Gjirokastrës, nëpërmjet interpretimit të grupeve dhe ansambleve të folkut. “Iso mbi kalldrëm”, është cikli i fundjavave polifonike, të organizuara nga Bashkia Gjirokastër, me synim promovimin e vlerave të këngës polifonike si dhe tërheqjen e turistëve.

Sipas kryetarit të bashkisë Flamur Golemi, në koncertet e improvizuara përgjatë rrugëve të kalldrëmta artistët popullorë do të shpalosin për artdashësit dhe turistët vlerat më të spikatura,të kësaj pasurie të UNESCO-s. “Organizimi synon të kthehet edhe në një pikë tërheqëse për guidat e turistëve vendas dhe të huaj që vizitojnë këtë verë Gjirokastrën”, pohon kryebashkiaku Golemi. Programin e fundjavave “Iso mbi kalldrëm” e çeli interpretimin i grupit popullor “Ergjëria” duke tërhequr në mjediset e Pazarit karakteristik banorët dhe turistët.///