Kryebashkiaku Oltion Çaçi deklaron se investimin për kinoteatrin “Butrinti” do ta realizojë Bashkia.

Kryebashkiaku Oltion Çaçi deklaroi sot se investimin për kinoteatrin “Butrinti” do ta realizojë Bashkia e Sarandës.

Pohimi i Çaçit u bë gjatë mbledhjes së këshillit bashkiak me fokus kryesor miratimin e buxhetit për vititn 2026.

Në përgjigje të një pyetje të këshilltarit socialist Ermir Hoxha kryebashkiaku përmendi se ky ishte lajmi kryesor sa i përket sektorit të kulturës dhe artit për vitin 2026.

Amortizimi i rëndë shumëvjeçar i godinës dhe mjediseve te sallës së teatrit dhe akesosërve të tjerë të kësaj godine, dikur simbol i teatrit të estradës së mirënjohur të qytetit bregdetar; ka qenë objekt i shumë kritikave, vëzhgimeve, premtimeve, etj,. Njëherësh, ky problem është i bartur prej shumë vitesh duke u kthyer në një ‘patate e nxehtë‘ nga një mandat qeverisjeje lokale në tjetrin

Por mesa, duket deklarimi pa mëdyshje i kreut të Bashkisë për t’i dhënë fund një problemi-‘gangrenë’, mbetet lajmi kryesor zyrtar për kulturën në Sarandë për vitin 2026.

Më tej, pritet të shohim në praktikë hapat për realizimin e këtij investimi të shumëpritur nga banorët, njerëzit e kultures dhe artit, profesionistët e skenës, trupën vendase dhe homologet nga kryeqyteti dhe vise të tjera. /SH.Hajno-SARANDANEWS.AL///