Ksamil. Ardit Bido: Një mundësi për të zgjedhur një përfaqësues aktiv jo vetëm për fushatë.

Mbi 350 qytetarë morën pjesë në një takim elektoral të zhvilluar në Ksamil me kandidatin për deputet të Partisë Socialiste në Qarkun e Vlorës, Ardit Bido.

Në statusin e tij në rrjetet sociale, Bido shkruan se pjesëmarrja e lartë ishte një tregues i interesit të qytetarëve për një përfaqësim të qëndrueshëm në Kuvend. Ai e konsideroi këtë një moment të rëndësishëm për zonën, duke e cilësuar si “një mundësi historike” për të zgjedhur një përfaqësues që, sipas tij, do të jetë i pranishëm dhe aktiv për katër vite, jo vetëm gjatë fushatës.

Bido prezantoi programin e tij, të cilin e cilësoi të hapur dhe të aksesueshëm për qytetarët, dhe kërkoi mbështetjen për Partinë Socialiste me numrin 5 në fletën e votimit, si dhe për kandidaturën e tij personale./sarandaNews.al///