Kulluri: Mos mbështetja e listave të hapura vetëvrasje politike, PD nuk mund të jetë kundër

“Pavarësisht se heqja e koalicioneve para-zgjedhore shkon kundër interesit të opozitës, PD nuk mund të jetë kundër listave të hapura”, deklaroi sot ish anëtari i Këshillit Kombëtar të Partisë Demokratike, Edvin Kulluri.

Ai thekson se, “një parti e djathtë duhet të mbështesë garën, debatin, rivalitetin mes politikanëve përballë votuesve! Talenti, meritokracia dhe konkurenca e lirë mes përfaqësuesve të qytetarëve janë kollona të patjetërsueshme të moralit të djathtë përkundër masovizmit, kolektivizmit dhe solidaritetit të së majtës”.

“Mos mbështetja e listave të hapura është vetëvrasje politike në sytë e opinionit publik”, nënvizon ai.

Sipas tij, “t’i japësh avantazh moral Ramës në kushtet që është, përbën më së paku naivitet politik”.

“Pushteti fitohet me moral dhe jo me vetë-deklarim”, thekson Kulluri.///ata///