Shqipëria po synon hapjen për tregje të reja në fushën e turizmit, e konkretisht atë aziatik, me qëllim zhvillimin e turizmit gjatë gjithë vitit. Ministrja e Turizmit dhe Mjedisit, Mirela Kumbaro, pjesë e delegacionit të Kryeministrit Edi Rama në Japoni, bëri të ditur sot se zhvilloi një sërë takimesh me qëllim promovimin e potencialeve turistike të Shqipërisë, jo vetëm sa i përket turistëve, por edhe investimeve në këtë sektor.
“Në mbyllje të ditës së parë të vizitës në Japoni, ku zhvilluam takime intensive me kryefjalë turizmin”, u shpreh Kumbaro.
Ministrja po ashtu vlerësoi edhe punën e profesionistëve të sektorit që angazhohen për promovimin e Shqipërisë, të bukurive natyrore e vlerave kulturore, në Ditën Ndërkombëtare të Udhërrëfyesve Turistikë.
“Një ditë të veçantë për profesionistët e sektorit që angazhohen dimër e behar dhe bëjnë një punë fantastike për promovimin e Shqipërisë, të bukurive natyrore e vlerave kulturore”, tha ministrja.///
ME SHUME LAJME
Arta Dade. Ish-bashkëpunëtorja i çon mesazh të koduar Edi Ramës: Përvishju gjermanishtes, do të të duhet më shumë se shqipja e protestës!
Tragjike në Gjirokastër, mbytet një 62-vjeçar në liqenin e Viroit
Rama: Aeroporti i Vlorës do të hapet me patjetër