Largimi i Alket Hysenit nga gara, Rama i “velur” me skuadren : Kush nuk do s’ka problem, s’jemi me pak lojtarë

Alket Hyseni është tërhequr nga kandidimi për deputet në zgjedhjet e 25 prillit një ditë pas dorëzimit të listave në Komisionin Qendror të Zgjedhjeve.

Deputeti i Partisë Socialiste ishte pozicionuar në vendin e 11 në listën e kandidatëve për Qarkun e Vlorës.

Gjatë konferencës me gazetarët, kryeministri Edi Rama i pyetur nga Euronews Albania pranoi faktin se kishte një kandidat të pakënaqur pa dhënë më shumë detaje.

Kryetari i Partisë Socialiste Edi Rama pranoi, pa i përmendur emrin, se kishte dijeni për pakënaqësinë e një kandidati për sa i përket renditjes në lista.

“Kam dijeni për një rast… mbrëmë vonë, të vetëm një kandidati që ishte shumë i bindur se nuk duhet të ishte dhe që thoshte unë do të bëj gjithçka, por s’dua të jem në këtë pozicion […] më thanë çfarë të bëjmë?! Thashë ‘kush nuk do… s’ka problem [të ikë]’, fatmirësisht s’jemi me pak kapacitete dhe me pak lojtarë,” – komentoi Rama.

Qendrimi prej “kryetrajneri” i Rames dhe gjakftohtesia e tij celebrale per largimin e nje prej deputeteve me aktive te skuadres siç eshte shfaqur deri me sot Alket Hyseni, deri para tre diteve, duket se bie ndesh me “filozofine” e spjeguar nga vete Rama para gazetareve per kontributet e secilit dhe punen me “bazen”.

Qarku i Vlorës ka 12 mandate dhe emri i Hysenit ishte i parafundit. Kjo duket se ka sjellë pakënaqësi nga ana e tij duke bërë që më pas të tërheqë kandidaturën.////