Marrëveshje mes Butrintit dhe Campi Flegrei në Itali

Parku Kombëtar i Butrintit ka nënshkruaar se fundi një marrëveshje të rëndësishme bashkëpunimi me një nga Parqet Arkeologjike më të mëdha Kombëtare në Itali: “Parco archeologico dei Campi Flegrei” në kuadër të programit të Këshillit të Europës: “Rrugëtimi i Eneas,” një program, i cili bashkon vendet e mesdheut në fushën e arkeologjise, ku ZAK Butrint u anëtaresua vitin e kaluar.

Ky bashkëpunim krijon hapësira dhe mundësi për shkëmbime eksperiencash si, dhe rrit ndjeshëm potencialin tonë për të bërë të mundur ekspozimin dhe njohje më të madhe në fushën e turizmit kulturor, – tha drejtori i Parkut Kombëtar të Butrintit, Eri Sulo.

Të pranishëm në nënshkrimin e marrëveshjes ishin Ambasadorja e Shqipërisë në Itali Znj. Anila Bitri, dhe Ledia Mirakaj diplomate, Giovanni Cafiero, Presidenti i Asosacionit “Rrugëtimi i Eneas,” dhe Drejtori i “Parco archeologico dei Campi Flegrei,” Fabio Pagani. Një falenderim për Ministrinë e Kulturës për kujdesin e veçantë ndaj këtij aktiviteti.

Vecanerisht gjate ketij viti ne Sarandë dhe ne pergjithesi ne Shqipëri, ka patur nje rritje të ndjeshme të turistëve italiane. Marrëveshja e mesiperme vleresohet si nje ‘tullë’ tjetër në bashkepunimin me Italinë.///