Masa për rritjen e sigurisë kibernetike, MB: Nesër, jo aplikime për dokumente biometrike

Ministria e Brendshme njoftoi sot se për të rritur nivelin e sigurisë ndaj sulmeve kibernetike, Drejtoria e Përgjithshme e Gjendjes Civile po ndërmerr një sërë masash të integruara.

Në këtë kuadër, informohen qytetarët se ditën e premte, 16 shtator, Gjendja Civile nuk do të mund të ofrojë shërbim në zyrat e aplikimit të kompanisë “Aleat” për dokumente biometrike, pasaporta apo karta identiteti.

Ministria e Brendshme kërkon mirëkuptimin e gjithë qytetarëve për këtë ndërprerje të përkohshme të shërbimit, vetëm për ditën e premte, ndërsa shtoi se edhe kjo ndërhyrje shton masat komplekse për të garantuar shërbim të pandërprerë e të sigurt në vijim për çdo qytetar.///