MEMORIE. Saranda nuk i harron kontributorët. Miniparku ne lagjen nr., 4 tani do të quhet “Daniela Silvestrini”

Nga Shkëlqim HAJNO

Megjithë anatemimet e herëpashershme se po harrohen figurat kontributore per Sarandën, duket se Bashkia dhe Këshilli Bashkiak, kanë vlerësuar së fundi kontributet e shquara të një humanisteje dhe filantrope italiane në periudhën pas viteve ’90 në qytetin bregdetar, që përkon edhe me 30-vjetorin e pranisë së Misionit Motrat Marcelline këtu.

Ajo është Motër DANIELEA SILVESTIRNI e cila erdhi rreth mbi tre dekada me parë në Sarandën e varfër për të kuruar sadopak nga pasojat sociale të një varfërie dramatike të këtij qyteti.

Erdhi nga Milano ku u lind, me Misionin e Mortave Marcellina dhe preku me dorë plagët e Sarandës.

U bë zëdhënësja e halleve sociale të këtij qyteti si një banore aktive dhe e devotshme e tij dhe kryesoi ngritjen e nje Qendre jo thesht religjioze, por shumë me tepër se kaq: një Qendre Sociale e Kulturore që ofroi kurse dhe kopshte për të mësuar fëmijët e familjeve më të vobekta te Sarandës, këtij qyteti me kontraste të mëdha sociale dhe ekonomike.

U bë natyrshëm nje arkitekte modeste e kurimit te varfërisë dhe shtresave më në nevojë. duke mbetur nje yll i dhembshurisë ndaj të dobëtve dhe kontributeve të shumta për Sarandën, me empatinë e njohur te saj dhe shpirtin e madh prej Nënë Tereze!

Ndjehemi mirë për gjeste të tilla vlerësimi. Motër Daniela ishte sa italiane edhe shqiptare.

Saranda, nuk i harron kontributorët dhe filantropët e rrallë të saj.

Tani, sa herë do të shkojmë pranë Miniparkut “Daniela Silvestrini” në lagjen Nr.4, do të themi me vehte :

E PAHARRUAR MOTËR DANILEA , MISIONARJA DHE FILANTROIPJA ITALO- SARANDIOTE!

Faleminderit edhe Këshillit Bashkiak për vëmendjen ndaj vlerave të Qytetit, për memorien dhe ndjeshmërinë kulturore, politike e sociale ! /(SarandaNews.al)///