MEPJ, thirrje qytetarëve shqiptarë: Largohuni sa më parë nga Ukraina

 Ministria për Evropën dhe Punët e Jashtme po ndjek me kujdes zhvillimet pranë kufirit ukrainas.

Në një njoftim për shtyp, MEPJ këshillon qytetarët të mos udhëtojnë drejt Ukrainës, duke marrë parasysh rrezikun e besueshëm të përshkallëzimit të situatës.Gjithashtu, Ministria për Evropën dhe Punët e Jashtme i bën thirrje shtetasve shqiptarë që të largohen nga Ukraina sa më parë.

Qytetarët e Republikës së Shqipërisë që ndodhen në Ukrainë mund të kontaktojnë për asistencë në numrat: +48 22 824 14 27; +48 501 194 910; ose në adresat e mailit: ambasada@albania.waw.pl; mbassy.warsaw@mfa.gov.al; dk@mfa.gov.al

Qytetarët shqiptarë ftohen që të informohen përmes kanaleve të komunikimit të Ministrisë për Evropën dhe Punët e Jashtme.///