Kancelarja e Republikës Federale të Gjermanisë, Angela Merkel mbërriti në këto momente në Pallatin e Brigadave në Tiranë, ku po zhvillohet ceremonia e mikpritjes nga Kryeministri Edi Rama.
Pas ekzekutimit të himneve kombëtare të dy vendeve nga banda frymore e Gardës së Republikës, Rama dhe Merkel parakaluan në tapetin e kuq para delegacioneve respektive.
Ndërkohë në vijim, do të zhvillohet takimi kokë më kokë mes Kryeministrit Edi Rama dhe Kancelares Angela Merkel në Pallatin e Brigadave.
Në orën 11:00 do të zhvillohet takimi bilateral mes dy delegacioneve në Pallatin e Brigadave.
Ndërsa në orën 11:50 parashikohet mbërritja e Kryeministrit dhe krerëve të qeverive të Ballkanit në Tirana Business Park, dhe në 11:55 do të jetë mbërritja e Kancelares Merkel në Tirana Business Park.
Në orën 12:00 do të realizohet Foto Familjare me krerët e delegacioneve në Tirana Business Park.
Në orën 14:35, Kryeministri Rama dhe Kancelarja Merkel do të japin një konferencë për shtyp po në ambientet në Tirana Business Park./atsh///
ME SHUME LAJME
AKU kërkon tërheqjen nga tregu të sallamit “Galbanetto”, rrezik serioz për shëndetin
Sarandë. Polici merret peng nga të ndaluarit për disa orë brenda Komisariatit.AMP nis hetimet.
POETËT PA POEZI