Ndahet nga jeta studjuesi dhe poeti Bardhyl Maliqi

Pas një sëmundje të rëndë është ndarë sot nga jeta në Tiranë, në moshën 69 vjeçare studjuesi i njohur dhe poeti sarandiot Bardhyl Maliqi.

Bardhyl Maliqi u lind në Konispol dhe punoi ndër vite si mësues i gjuhës dhe letërsisë, psikolog shkollor, aktualisht drejtues i Njësisë Psiko-sociale dhe pedagog i Filialit Universitar të Sarandës prej disa vjetësh.

Ai është autor i rreth 19 librave ne fushë të pedagogjië, sociologjisë të studimeve letrare dhe të krijimtarisë letrare. Disa nga titujt e veprave të tij janë:  “Shije të rrezikuara” (ese), “Qortimi i hartimeve (studim), “Etika rrjedhave të komunikimit” (studim), “Pasqyrat” (poezi), “Morfologjia” (tekst për studentë), “Ankthi i statujave” (libër me poema shqip – anglisht), “Perandoria e zogjve” (pema) në anglisht, italisht, kroatisht, rumanisht, greqisht etj. “Detyrat e shtëpisë” (ese), “Mësimdhenia dhe vlerësimi etik”, (studim), “Tej portave të jetës” (novelë) etj.

Bardhyl Maliqi ka fituar ndër vite rreth 20 çmime të ndryshme rajonale, kombëtare e ndërkombëtare si:
-Libreti më i mirë i vlerësuar me kupën e teatrove mbarëkombëtare (Shqipëri-Kosovë-Maqedoni) me dramën “U largua deti” më 2004 zhvilluar në Pogradec, Çmimin “Butrinti” në konkursin ndërkombëtar (ballkanik) të qershorit 2007 në Sarandë, Çmimin special ndërkombëtar (për poemat “Perandoria e zogjve dhe Ankthi i statujave” Birds Empire & The Anxiety of Statues, marrë në Kongresin e Dytë të Uneskos për letërsinë artet dhe shkencën, zhvilluar në Atalanti në tetor 2011, Çmimi special ndërkombëtar për “Etika e poetit dhe ndikimin e saj në shkolla”- marrë në Kongresin e Dytë të UNESKO-s për letërsinë artet dhe shkencën, në Atalanti në tetor 2011, Çmimin e Maratonës Poetike Ndërkombëtare të Sarajevës, Çmim Special për poemën “Akuarel për Zagrebin” dhënë në Kroaci,
Çmimi “Naim Frashëri” në Festivalin poetike Ditët e Naimit në Tetovë, etj,.

Gjate vitit 2023 Bardhyl Maliqu u nderua edhe me Çmimin “Aleksandri Madh” akorduar nga Klubi i Ideve në Salamina (Greqi). Ai ka botuar m i 800 artikuj, në shtypin letrar e pedagogjik të vendit.

SRABNDANEWS.AL i shpreh ngushëllimet më të thella familjes së Bardhyl Maliqit për ndarjen e parakohshme nga jeta të njeriut te shtrenjtë të saj//SRNDANEWS.AL///