Ka filluar në Athine takimi mes ministres së Jashtme shqiptare Elisa Spiropali dhe homologut të saj grek Jorgos Gjerapetritis.
Gjerapetritis e priti homologen shqiptare në hyrje të ministrisë dhe në vazhdim bisedimet nisën fillimisht me një bisedë kokë më kokë në zyrën e titullarit grek dhe në vazhdim do të jetë takimi mes dy përfaqësive ku pritet të bisedohen gjithë çështjet dypalëshe.
Pala shqiptare është e fokusuar në temat e integrimit europian të Shqipërisë dhe problemet që preokupojnë komunitetin shqiptar që jeton në Greqi siç është çështja e pensioneve dhe lehtësimi i procedurave së pajisjes së tyre me dokumentacionet greke.
Jashtë bisedimeve nuk do të mbeten as çështja e ligjit të luftës dhe çështja e detit, por për momentin palët nuk kanë preferuar të japin detaje lidhur me atë se çfarë konkretisht do të flasin brenda takimit.
Pala greke ka në axhendën e saj si temë primare çështjet dhe të drejtat e kartave të minoriteti etnik grek që jeton në Shqipëri dhe pa dyshim rifillimi i bisedimeve për dërgimin e çështjes së detit në gjykatën e Hagës.///
ME SHUME LAJME
Sarandë. Bie çatia e objektit në ndërtim te Porti i Limionit. Një 44-vjeçar plagoset rëndë.E nisin me helikopter në Tiranë
Himarë. Zjarr në Llamanë, 17 efektivë zjarrfikës në terren
Policia e Vlorës: 254 vepra penale të evidentuara në qershor, masa të shtuara për sezonin turistik