Shërbimi Meteorologjik Ushtarak bëri të ditur se pas disa ditësh me mot të kthjellët dhe temperatura relativisht të larta për ditën e premte parashikohet përkeqësimi i kushteve atmosferike për vendin tonë.
Në këtë mënyrë moti në zonën e qendrës dhe atë të jugut parashikohet me kthjellime si dhe alternime vranësirash kalimtare mesatare dhe hera-herës deri të dendura. Në zonën e qendrës këto vranësira prej orëve të mesditës do të shoqërohen me reshje shiu të herëpashershme me intensitet të ulët deri dhe mesatar në formën e shtrëngatave.
Zona e veriperëndimit parashikohet me mot kryesisht të vranët dhe reshje shiu me intensitet mesatar deri dhe të lartë në formën e rrebesheve dhe stuhive shoqëruar me breshër dhe shkarkesa elektrike. Në zonën e verilindjes reshjet e shiut të herëpashershme me intensitet të ulët.
Era do të fryjë me drejtim jugperëndim-verilindje me shpejtësi mesatare 1-8 m/sek, e cila hera-herës përgjatë vijës bregdetare dhe në zonat luginore fiton shpejtësi deri në 12-15m/sek. Valëzimi në dete i forcës 2-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 19/34 | Re shi/stuhi |
| Kukës | 15/31 | Diell re/shi |
| Lezhë | 18/32 | Re shi |
| Dibër | 14/32 | Diell re/shi |
| Durrës | 20/33 | Diell re/shi |
| Tiranë | 21/33 | Diell re/shi |
| Elbasan | 21/33 | Diell re/shi |
| Berat | 18/34 | Diell re |
| Vlorë | 18/31 | Diell re |
| Korçë | 14/28 | Diell re |
| Gjirokastër | 16/33 | Diell re |
| Sarandë | 19/32 | Diell re |
ME SHUME LAJME
Sarandë. “Princess” cruises e kompanisë më të madhe Holland-Amerikan, paraprin 14 krociera të tjera gjatë vitit
Sarandë. Mbërrin krocera e parë me turistë për vitin 2026-n.
Sociale. Shqipëria po zbrazet. Bie me 35% numri i lindjeve brenda një dekade