Parkim nëntokësor prej 300 vendesh në Sheshin e Çerçizit në Gjirokastër

 Banorët dhe turistët që do të vizitojnë Gjirokastrën kanë tashmë në dispozicion parkimin e madh nëntokësor. Kryeministri Edi Rama ndau sot në rrjetet sociale pamje nga ky parking i përfunduar.

“Ky është parkimi nëntokësor prej 300 vendesh në Sheshin e Çerçizit në Gjirokastër”, theksoi Rama.

Parkimi i madh nëntokësor prej 300 vendesh i jep qytetit një qendër të madhe këmbësore, shmang trafikun nga Pazari i Vjetër, krijon një oaz të ri urban nën Sheshin e Çerçizit duke lidhur lagjen poshtë me qendrën dhe fuqizon profilin monumental historik të qytetit.Parkimi nëntokësor në Gjirokastër i jep një cilësi të re zonës historike.Gjirokastra po renditet përherë e më shumë në qytetet elitare të turizmit shqiptar, duke thithur një numër gjithnjë në rritje të turistëve.///