PD kërkon përsëritjen e zgjedhjeve në 9 qarqe/ Kulluri: Kujdes se mos del me më pak deputetë se më 25 prill

-Ish-anëtari i Këshillit Kombëtar të Partisë Demokratike, Edvin Kulluri u shpreh sot se “Basha duhet të ketë kujdes se mos del me më pak deputet se pas 25 prillit”.

Në një postim në rrjetet sociale, Kulluri reagoi lidhur me kërkesën e PD-së për përsëritjen e zgjedhjeve në 9 qarqe.

“Luli kërko dhe ribërjen e zgjedhjeve të 2017! Atëherë e çove PD me 43 deputetë. Denonco edhe ministrat e tu teknik. “Por kujdes se mos del me më pak deputetë se 25 prill se i ke bërë demokratët të marrin valixhet e të ikin e as komisionerë nuk do gjesh dot”, shprehet Kulluri.///atsh///