Mali i Tomorit, një nga bukuritë e rralla të natyrës, është një nga vendet më të vizituara në Shqipëri, në mënyrë të veçantë nga besimtarët bektashinj në pelegrinazhin e tyre të përvitshëm drejt teqesë së Abaz Aliut.
Kryeministri Edi Rama ndau sot pamje nga rruga e re, që shkurton kohën dhe lehtëson udhëtimin e vizitorëve të panumërt të Malit të Tomorit, por edhe i hap një perspektivë të re turizmit të kësaj zone të bekuar.
“Mirëmëngjes dhe me rrugën e re të pelegrinazhit për në Majën e Shenjtë të Tomorit, ju uroj një fundjavë të mbarë”, tha Rama.
Me një gjatësi prej 23 kilometrash, investimi në rrugën e re shkurton në 30 minuta udhëtimin drejt teqesë së Abaz Aliut, distancë që më parë përshkohej për rreth 2 orë.
Ndërkohë janë rehabilituar të gjitha sheshet pranë teqesë për të krijuar një ambient më të përshtatshëm për të gjithë besimtarët, ndërsa rruga e re e ka kthyer zonën në një atraksion turistik.///
ME SHUME LAJME
MEMORIE. Sot kujtojmë Prof. Moikom Zeqon, intektualin e rrallë.
Media italiane “TgYou24”: Mes plazheve dhe trashëgimisë kulturore, Shqipëria në krye të tendencave turistike
Himara mes destinacioneve më të kërkuara nga britanikët për verën e 2026-ës