Prefekti Mamaj: Mirëmenaxhim i sezonit turistik në bashkitë bregdetare

 Prefekti i qarkut të Vlorës, Flamur Mamaj zhvilloi sot një mbledhje në kuadër të mirëmenaxhimit të sezonit turistik 2022, veçanërisht në bashkitë bregdetare.

Në mbledhjen ku ishin të pranishëm drejtuesit e institucioneve pjesë të taskforcës së menaxhimit të sezonit turistik, u vu theksi në zgjidhjen e problematikës së krijuar për muzikën/zhurmat nga subjektet private në ambiente të banuara, shqetësim i shprehur dhe referuar edhe nga qytetarët për raste të veçanta.

Prefekti Mamaj tha se “gjatë mbledhjes u miratuan korridoret ujore për mjetet lundruese nga njësitë e vetëqeverisjes vendore, zgjidhja e shpejtë e konflikteve ndërmjet subjekteve që kanë/nuk kanë leje të administrimit të parcelave, stacioneve plazhi në vijën bregdetare dhe siguria në stacionet e plazhit”.

“Të gjithë bashkë do të garantojmë një nga sezonet më të suksesshme për nga numri i turistëve, pastërtia, siguria dhe qetësia”, theksoi Mamaj.

Qarku i Vlorës pret me mijëra turistë vendas e të huaj gjatë sezonit turistik, të cilët përveç detit mund të vizitojnë edhe monumentet e trashëgimisë kulturore.///