Rama apel qytetarëve: Mbajeni maskën që të mbroni veten, familjen, të afërmit dhe të tjerët rreth jush

 Mbajtja e maskës në mjediset e mbyllura është e detyrueshme dhe mosrespektimi i kësaj mase të marrë nga qeveria dënohet me 20 mijë lekë gjobë.

Kryeministri Edi Rama sërish i është drejtuar me një apel qytetarëve për mbajtjen e maskës.

“MIRËMËNGJES, dhe me lutjen për mbajtjen e maskës në mjedise të mbyllura, që të mbroni veten, familjen, të afërmit dhe të tjerët rreth jush, ju uroj një ditë të mbarë”, shprehet Rama.

Detyrimi për përdorimin e maskave jo mjekësore apo barrierave mbrojtëse për mbrojtjen ndaj transmetimit të COVID -19 është për çdo individ në të gjitha ambientet e mbyllura.

Për parandalimin e përhapjes së COVID-19, qytetarët duhet të tregohen të kujdesshëm, duke respektuar distancimin social, masat e higjienës dhe vendimin për maskën e detyrueshme në ambientet e mbyllura.  Në çdo subjekt shërbimi për qytetarët duhet të përdoren maskat apo barrierat mbrojtëse.

Çdo shkelje do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi./atsh///