Rama dhe Abazoviç nisen drejt Kievit, me ftesë të Zelensky-t

-Kryeministri Edi Rama dhe kryeministri i Malit të Zi, Dritan Abazoviç u nisën sot për një vizitë në Kiev, Ukrainë.

Rama dhe Abazoviç janë ftuar të vizitojnë Kievin nga Presidenti i Ukrainës, Volodymyr Zelensky.

“Për Kiev me ftesë të Presidentit Zelensky”, u shpreh Rama në një postim në rrjetet sociale, teksa ka publikuar edhe dy fotografi nga momenti i ngjitjes në avion.

Vizitën në Kiev, e paralajmëroi një ditë më parë kryeministri i Malit të Zi, Dritan Abazoviç, i cili u shpreh se kishte hedhur idenë e një vizite të përbashkët në Kiev të kryeministrave të Ballkanit Perëndimor, veçanërisht nga vendet e NATO-s në rajon, në mënyrë që të dërgojë një mesazh më të fortë dhe unik të mbështetjes nga Ballkani Perëndimor ndaj sovranitetit dhe integritetit të Ukrainës.///