Rritet me 10% ndihma ekonomike, dyfishohet për kryefamiljaret me 2 fëmijë

– Kryeministri Edi Rama informoi sot se në kuadër të paketës antikrizë do të bëhet një ndërhyrje për një indeksim me 7.5% të pagesave për personat me aftësi të kufizuar.

“Për personat me aftësi të kufizuar kemi indeksimin e përvitshëm, bëjmë këtu një ndërhyrje për një indeksim me 7.5%”, tha Rama duke prezantuar masat e paketës antikrizë.

Po ashtu, Kryeministri informoi se do të rritet edhe njëherë me 10% ndihma ekonomike, ndërkohë që do të dyfishohet për gratë kryefamiljare me 2 fëmijë.

“E bëmë këtë për ato me 3 fëmijë, tani ulemi edhe për ato me 2 fëmijë që janë në kushtet e papunësisë dhe do të marrim një ndihmë ekonomike të dyfishuar”, tha Kryeministri.///