Sarandë: Adrian Gurma priti poetët, pjesëmarrës në “Trirema e Poezisë Joniane”

Kryebashkiaku Adrian Gurma priti një grup poetësh nga Shqiperia dhe vende të ndryshme, që moren pjesë në edicionin e 16-të të Manifestimit Poetik “Trirema e Poezisë Joniane”, organizuar nga Klubit i Krijuesve Jonianë, me mbështetjen e Bashkisë.

Gurma i falenderoi ata që kanë zgjedhur Sarandën si muzën e tyre, duke i shtuar asaj lirikën dhe shpirtin poetik. Përmes një postimi në rrjetet sociale kryebashkiaku shkruan:

“Me shumë kënaqësi prita poetë, nga disa vende të ndryshme , pjesmarrës në edicionin e 16-të të Manifestimit Poetik “Trirema e Poezisë Joniane”, organizim i Klubit të Krijuesve Jonianë, me mbështetjen e Bashkisë Sarandë. Faleminderit,që e gjeni Sarandën si muzën tuaj dhe i shtoni asaj, lirikën dhe shpirtin poetik, me prezencën dhe krijimtarinë tuaj, duke u kthyer edhe në ambasadorë të spikatur, të promovimit të vlerave shumëdimensionale të saj .”///