Sarandë, Fotovëzhgim: Shatërvani dekorativ i “tharë” nga mungesa e kujdesit.

Veprat e artit në mjediset publike të qytetit janë padyshim një vlerë e shtuar në Sarandë.

Po ndërsa qytetit po i plotësohet gradualisht “vakuumi” i dikurshëm me vepra të reja arti siç janë skulpturat buzë detit në shëtitoren e rehabilituar “Naim Frashëri” buzë detit, nuk ka asnjë sens që veprat e trashëguara nga e kaluara të shpërfillen.

Në foto duket Shatërvani dekorativ i “tharë” nga mungesa e kujdesit bashkiak.

Shatërvani dekorativ me morive deti në Sarandë, vepër e skulpturës së parkut me autor Lesko Ligun, është pjesë e trashëgimisë nga “e kaluara” sikurse kemi sot në Sarandë vepra të tjera si:

basorelievi i mrekullueshëm në gur “Naim Frashëri” (në fasadën ballore te Muzeut të Kulturës Materiale), ose bustin e djetarit të shquar Hasan Tahsini te Bulevardin me të njejtin emër (vepra të skulptorit të talentuar Niko Godroli), etj,. Veprat e mësipërme janë jo vetëm pika të rëdësishme të atraksionit turistik dhe artistik në Sarandë, si një nga destinacionet turisitke kombëtare e ndërkombëtare, por sakaq, edhe pjesë e memories artistike dhe identitetit kulturor të qytetit /SH.HAJNO-sarandaNews.al///