Sarandë. Kulturë. Së afërmi, një Tryezë mbi artin e përkthimit.

Nga Ana SAJMOLI

Një ngjarje kulturore e tjetërllojshme pritet zhvillohet në ditët e fundit të majit në Sarandë.

Ajo ka lidhje mirëfilli me një çështje të veçantë të qarkullimit të vlerave të letërsisë nga një gjuhë në tjetrën, me fokus, përcjelljen e disa prurjeve poetike e letrare përgjithësisht nga autorë që jetojnë e krijojnë në Sarandë, po edhe të tjerë, përkthyes shqiptarë të arrirë që sjellin vlera botërore në gjuhën shqipe.

Protagonist i këtij zhvillimi është Klubi i Poetëve të Jugut, Saranda (Albania).

Rajoni jugperëndimor i vendit me epiqendër Sarandën, është një pol atraktiv përpos prurjeve letrare, në gjuhën shqipe dhe atë grekje të pakicave etnike, porse, ka shënuar edhe arritje në lëmin e përkthimeve. Këtu mund të permendim autorë si Andrea Zarballa, Thoma Sterjopullo,( përkthyesi në greqisht i romanit të Kadaresë “Spiritus” dhe i Antologjisë së këngëve popullore shqiptare në greqisht-e para e këtij lloji); po edhe autorë si Vangjel Zafirati e Dashamir Malo, përkatësisht me një Antologji të prozës së shkurtër greke (vëllimi : “Lule e vjedhur” ) dhe shqipërimet e dy poetëve bashkohorë grekë.

Mësohet se zhvillimi i konceptuar si një “Mbëmje Letrare – Arti i Përkthimit“, organizohet në mjediset e Hotel “REAL” në mbrëmjen e 28 majit (ORA 19.00) .

Përkthyesja e mirënjohur Merita Paparisto, vjen enkas nga Kandaja për “Klubin e Poetëve të Jugut“, duke folur mbi përvojat e saj, krahas poetëve e përkthyesve mikpritës: Vangjel Zafirati e Dashamir Malo.

Veprimtaria ka tërhequr vëmendjen e krijuesve dhe lexuesve tradicionalë në këtë rajon. /SARANDANEWS.AL///