SARANDË/ Rreth 800 qytetarë humbën sheshet e ndërtimit, kur nje pronar, fitoi me gjyq një sipërfaqe të madhe ndërtimore.

VËZHGIMI I DITËS/ Rreth 800 qytetarë sarandiotë, kanë humbur sheshet e ndërtimit prej vitit 2008, kur nje pronar, fitoi me gjyq një sipërfaqe të madhe ndërtimore.

Problemi, sa ekonomik, edhe social , nuk është zgjidhur  prej vitit 2008, kur bashkia e asaj kohe, sipas një shprehje popullore “nuk e vuri ujët në zjarr” dhe kishte të tjera axhenda nga interesi i banorëve të qytetit bregdetar.

Problemi i 800 familjeve që kanë humbur pronën e tyre, të fituar më parë nga vendimet e Këshillave Bashkiake, nuk u zgjidh as më vonë. Ndërkohë, bashkia aktuale, përballet me situatën për të gjetur një zgjidhje ligjore për qytetarët e saj.

Sipas burimeve zyrtare të këshillit bashkiak, në mbledhjeen e radhës të këtij këshilli të datës 31 korrik, bashkia do të paraqesë një Informacion zyrtar për problemin e 800 familjeve që kanë humbur pronën.

Lidhur me opsionet e  mundshme për zgjidhje të kësaj situate, këshilltarit më i vjetër bashkiak, Mehmet Nelaj i cili,  është në mandatin e pestë, si i zgjedhur pohon se tre jane rruget e zgjidhje së ngërçit: Shteti, sipas tij, duhet t’i hyjë në themel çështjes se pronës publike te fituara me gjyq nga qytetari, duke i lene per rrjedhim 800 banore pa pronë; kompensim i tij në një hapesire publike tjetë ose qytetaret te marrin parate qe kane paguar per pronen e tyre.///R-SR///