Sarandë. ‘Sofra Çame’, sjell Traditat dhe kulturën çame me të rinjtë

Tradita dhe kultura çame u manifestuan sot në skenën e vogël të Bashkisë në një aktivitet ku manifestuan të rinjtë në nje shfaqeje komplekse te titulliar “Sofra Çame 2“

Të rinjtë e grupeve artistike çame nga Konispoli dhe Saranda sollën në skenë traditën dhe historinë, përmes manifestimit kulturor të shpirtit çam.

Një nga organizatoret e eventit, Aleksandra Maze, theksoi se tradita çame ka rrënjë të thella dhe meriton të ruhet e të përcillet te brezat e rinj.

Dafina Allkushi, mësuese e një pjese të nxënësve organizatorë, e vlerësoi Sarandën si një qytet me bashkëjetesë të pasur kulturore dhe respekt për të gjitha komunitetet.

“Të flasësh për Çamërinë dhe të nxjerrësh në skenë vlerat e saj do të thotë të ruash dhe të përcjellësh jetën e një populli. Është emocionuese dhe frymëzuese të shohësh në skenë shpirtin dhe trashëgiminë çame,” – u shpreh ajo.

Sipas burimeve të stafit organizator, të këtij eventi kulturor ky aktivitet të mos mbetet një ngjarje e izoluar, por të kthehet në një traditë të përvitshme.///