Sarandë. Takimet e fundvitit, bashki-gazetarë, si pjesë e dialogut.

Një info e thjeshtë u shkoi së fundi gazetarëve në rrjetet e tyre sociale: “Kryetari i Bashkisë z. Oltion Çaçi ka kënaqësinë t’ju ftojë në datë 27 Dhjetor, ora 14.00 për drekën e fundvitit me gazetarët!…

Është mirë kur një traditë me mediat ruhet dhe, bëhet e qëndrueshme, edhe, si shprehje simbolike e kortezie e një bashkëpunimi shumëvjeçar.

Çdo staf drejtues i Bashkive, ndër vite, ka lënë doemos gjurmët e veta në marrëdhëniet fizike me Qytetin, me njesinë administrative si bashki dhe njësinë bashkiake si Ksamil (qyteti i dytë i bashkisë sonë), me investimet dhe joinvestimet, me projektet dhe vizionet. Po edhe me dëgjesat publike me qëllim që, të qeverisurit lokalë (banorëlt) ta thonë mendimin dhe fjalën e tyre edhe përtej ‘arenës’ së kafenesë apo asaj të mediave sociale.

Po kanë lënë edhe gjurmët direkte e indirekte në marrëdhëniet me qytetarët pavarësisht moshave, orientimeve politike, kulturave, etj,.

Takimet përshëndetëse , pa grada e spaleta, janë edhe çaste dialogu miqësor me fokus Sarandën, ndaj, janë të mirëpritura si për çdo grup interesi, edhe për njerëzit e mediave në Sarandë./ SARANDANEWS.AL ///