Si në çdo qytet të vendit edhe qytetarët e Sarandës, por edhe turistë vendas e të huaj kanë mbushur sheshet kryesore të qytetit bregdetar, ku po ndjekin Kampionatin Evropian EURO2024 ku vëmendje të veçantë marrin ndeshjet e Kombëtares kuqezi.
Kryeministri Edi Rama ndau në rrjetet sociale momente nga atmosfera e krijuar nga tifozët në Sarandë.
Të ndodhur në Sarandë për të kaluar pushimet verore, turistë të kombësive të ndryshme kanë shijuar edhe ndeshjet e kombëtareve të tyre në ekranet e vendosura nga bashkia e Sarandës në shëtitore, por edhe në ato të bizneseve lokale.
Në Gjermani po zhvillohet Kampionati Evropian i Futbollit me pjesëmarrjen e 24 skuadrave. Shqipëria deri tani ka zhvilluar dy ndeshje, atë me Italinë që doli me rezultatin 2-1 për skuadrën e shtetit fqinj dhe ndeshjen me Kroacinë që doli 2-2.
Ndeshja e fundit e grupeve për Shqipërinë është më 24 qershor në Dusseldorf kundër Spanjës.(Klodi Saraçini)///
ME SHUME LAJME
MEPJ: Dënojmë përdhosjen e flamurit të Izraelit në Tiranë nga protestues të maskuar, akt i turpshëm që nxit urrejtje
Kulturë. Së shpejti: Kolegët e tij risjellin regjisorin e shquar, Thoma Milaj
Ksamili nga qytezë pushimesh në trend ndërkombëtar, ndërhyrje urbane për përvojë autentike