Sarandë.Vihet në pranga 1 shtetas që vinte baste sportive me celular.

Në Sarandë një shtetas përfundoi në pranga pasi vinte baste sportive me celular.

Burime policore bene te ditur se “Vihet në pranga 1 shtetas që vinte baste sportive, me aparat celular. Në hetim dhe pronari i lokalit, ku ushtrohej kjo veprimtari e paligjshme. Shërbimet e Komisariatit të Policisë Sarandë, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar “Fati i lojërave”, kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie, në lagjen nr.2, Sarandë.

Në vijim të veprimeve u arrestua në flagrancë shtetasi: – E. R., 39 vjeç, banues në Sarandë, pasi u kap në lokalin e shtetasit E. L, duke vënë baste sportive, nëpërmjet aparatit celular, i cili u sekuestrua në cilësinë e provës materiale. Në vijim të veprimeve u referuan materialet në Prokurori dhe nisi procedimi në gjëndje të lirë për shtetastin E. L., 33 vjeç, pronari i lokalit, ku u konstatua kjo veprimtari e jashtëligjshme. Materialet procedurale i kaluan Prokurorisë, për veprime të mëtejshme.///