Tabaku: Aeroporti i Vlorës po ndërtohet në zonë të mbrojtur

 Deputetja e Partisë Demokratike, Jorida Tabaku deklaroi se aeroportit të Vlorës po ndërtohet në një zonë të mbrojtur.G jatë një interpelance me ministren e Mjedisit dhe Turizmit, Tabaku, theksoi se ndërtimi i aeroportit po kryhet në ligatinën e Nartë-Vjosës në një zonë të mbrojtur që prej vitit 2004.

“Historia e aeroportit të Vlorës dhe zonës së mbrojtur që nga viti 2004, e konsideruar si peizazh natyror, nisi 4 vite më parë kur qeveria Rama paraqiti në Kuvend një projektligj për ndërtimin e një aeroporti. Në 24 janar ky projektligj u shndërrua në ligj vetëm me votat e mazhorancës, me procedurë të përshpejtuar dhe nuk u bë kurrë transparente arsyeja e një vendimi të tillë”, tha ajo.

Tabaku shtoi se, vlen të theksohet se ky projektligj nuk është shqyrtua nga Komisioni Parlamentar i Komisionit Evropian që është përgjegjës për përafrimin e legjislacionit shqiptar me legjislacionin e BE-së.

“Në shator të viti 2018 grupi parlamentar i PD-së i ka dërguar një letër Komisionit Evropian në lidhje me këtë çështje pavarësisht se ligji u miratua gara u shty disa herë, ndërkohë që nënkontraktori u tërhoq. Ndërkohë që qeveria e kishte ndarë mendjen që aty në zonën e mbrojtur dhe në Ligatinën e Nartë-Vjosës do të duhet të ndërtohej një aeroport dhe e dha përsëri nga puna për ta vënë këtë zonë me koncesion në fakt, siç po japin me koncesion, parqe, pasuri natyrore, Butrintin dhe Amfiteatrin e Durrësit”, tha Tabaku.///