‘Tapë’ në timon i ikën postbllokut të policisë, por prangoset 55-vjeçari

Policia njoftoi se specialistët e Seksionit të Policisë Rrugore të Komisariatit të Policisë Sarandë arrestuan në flagrancë shtetasi A. A., 55 vjeç, banues në fshatin Shalës, Konispol.

Arrestimi i tij u krye pasi ditën e djeshme, në aksin rrugor “Konispol-Sarandë”, nuk iu është bindur urdhrit të punonjësve të Policisë Rrugore, për të ndaluar automjetin, të cilin pas kryerjes së testit të alkoolit, rezultoi se e drejtonte në gjendje të dehur. Materialet procedurale i kaluan Prokurorisë së Sarandës për veprime të mëtejshme.///