“Toponimia e Çamërisë”, botim i autorit konispolat Fatmir Muçaj

Nga Eva PESHTANI (ARPICA)

Është botuar  dhe është vënë në qarkullim libri “Toponimia e Çamërisë” me autor Fatmir Muçaj.

“Toponimia e Çamërisë” është  një botim me shqyrtime rreth pasurisë, vlerave leksikore e fjalëformuese  si dhe nje fjalor toponimik.

Duke praqitur këtë vepër dialektologu prof..dr.Gjovalin Shkurtaj, Akademik, vë në vukje se “Toponimia e Çamërisë” është një pasuri e vyer e mbledhur dhe pasqyruar me kujdes.

Sipas prof..Shkurtaj “E folmja e banorëve të Çamërisë paraqet interes të madh për studimet dialektologjike dhe për shqyrtimet etnologuistike të shqipes”

“E folmja e Çamërisë është një nga ato të folme  anësore  të shqipes, e cila, ashtu si shumë prej krahinave të tilla që ndodhen në anët e pikat  më skajore të shtrirjes  së një kombi, deri aty ku ndahet  kufiri me kombe e gjuhë të tjera , të fqinjëve, ruaj në shkallë deri diku të gjerë  tipare të një faze  të kapërcyer të shqipes-tipare që, në rrjedhë të moteve, në shumë nga krahinat qëndrore e përgjithësisht në shqipen esotme, janë bjerrë ose tjetërsuar aq shumë, saqë sot na befasojnë dhe më të rinjve kur i dëgjojmë, u duket sikur lexojnë librin e parë shqip të Gjon Buzukut”.

Duke nënvizuar rëndësinë e toponimisë (emërvendeve),Gjovalin Shkurtaj thekson se “Toponimia është pjesë e kulturës së një populli, ajo është pasqyrë dhe mjet njohës i historisë, i gjeografisë si dhe i gjuhës dhe dialekteve të popullit…”/sarandaNews.al///