Vaksinimi masiv antikovid. 1 035 667 vaksinime që nga nisja e fushatës “Shqipëria buzëqesh”

Që nga fillimi i fushatës “Shqipëria Buzëqesh” janë kryer 1 035 667 vaksinime antikovid në vend.

Lajmin e bëri të ditur ministrja e Shëndetësisë dhe Mbrojtjes Sociale, Ogerta Manastirliu e cila publikoi mbrëmjen e së martës shifrat e vaksinimit në total deri ditën e sotme.Ministrja bëri me dije se ditën e sotme janë kryer 6 433 vaksinime kundër koronavirusit.

Në aeroportin “Nënë Tereza” mbërritën dje 18,720 doza të vaksinës Pfizer.1,238,790 vaksina kanë mbërritur deri tani në Shqipëri.Procesi i vaksinimit masiv po vijon në të gjithë vendin me kalendar të kombinuar, për qytetarët +50 vjeç dhe punonjës të shërbimeve kritike.Vaksinimi po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.///atsh///