Shërbimet e Policisë Kufitare të Sarandës ndihmuan 3 shtetas nga Turqia, pasi veliera me të cilën po vinin nga Durrësi, pësoi defekt. Sipas Policisë, gjatë patrullimeve në të gjithë hapësirën detare, shërbimet e Policisë Kufitare të Sarandës kanë konstatuar në afërsi të gjirit të Sarandës, 3 shtetas turq që kërkonin ndihmë, pasi kishin mbetur në det, për shkak se mjeti i tyre lundrues velierë kishte pësuar defekt.
Menjëherë, shërbimet e Policisë iu kanë ofruar ndihmë 3 turistëve që po lundronin nga Durrësi, drejt Sarandës, dhe kanë bërë të mundur nxjerrjen e tyre në breg, në gjendje të mirë shëndetësore.
Gjithashtu, është tërhequr në vendin e ankorimit, mjeti lundrues velierë që kishte pësuar defekt.
Turistët kanë falënderuar punonjësit e Policisë për gatishmërinë e treguar dhe për ndihmën e ofruar.///
ME SHUME LAJME
Sarandë. Pushtoi hapësirën publike në lagjen Nr.4, referohet në Prokurori.
Ksamil. IKMT nis prishjen e 10 ndërtimeve pa leje.
Sarandë. Këshilli bashkiak mblidhet të enjten.Në fokus: investimet publike në infrastrukturën rrugore dhe këshilli artistiko-kulturor