Vihen nën kontroll vatrat serioze të zjarrit, sfidë Karaburuni

Të gjitha vatrat serioze të zjarrit në vend janë vënë në kontroll ose janë neutralizuar pothuajse plotësisht, gjatë natës dhe orëve të para të mëngjesit.

Lajmin e bëri të ditur sot ministri i Mbrojtjes, Niko Peleshi, i cili ndau pamje nga operacionet që po zhvillohen nga toka dhe nga ajri, për shuarjen e zjarreve.

Sipas tij, “sfidë vazhdon të ngelet Karaburuni, ku është përqendruar edhe puna më e madhe e Forcave të Armatosura”.

“Falënderoj të gjithë efektivët e Forcave të Armatosura dhe strukturave të tjera të mbrojtjes civile për angazhimin dhe sakrificën e treguar në këto ditë të nxehta. Na bëni të gjithëve krenarë”, tha Peleshi.///