3.5 miliardë lekë në vit për bonusin e pensionistëve

3.5 miliardë lekë është bonusi i pensionistëve për çdo vit përgjatë periudhës 2022-2024. Shifrat i publikoi sot Kryeministri Edi Rama, i cili u ndal te fondi i vendosur në buxhetin 2022 për bonusin e pensionistëve.

Sipas Kryeministrit, nga ky fond përfitojnë 683 mijë pensionistë. Nga viti i ardhshëm, në buxhet do të ketë zë më vete për bonusin e pensionistëve. Ndërkohë që qeveria do të vijojë me indeksimin e pensioneve, duke mbrojtur të gjithë pensionistët nga rritja e çmimeve.///