./28.11.2020/
Australianët u zhytën në det për t’u freskuar me nisjen e valës së parë të të nxehtit të sezonin veror.
Temperaturat shkuan në 47 gradë celcius në disa pjesë të Uellsit të Ri Jugor, rajoni më i populluar i këtij shteti.
Në Sidnej, termometri shënoi mesatarisht 40 gradë. Në shumë qytete të Australisë është vënë në zbatim urdhëri për një ndalim total të zjarreve, teksa ekipet e emergjencave përgatiten për më të keqen.
Në mendjen e tyre janë akoma imazhet e tmerrshme të sezonit të “ferrit” të përjetuar në zjarret sezonalë të vitit të kaluar.
Qytetarët duket se e kanë lënë pas pandeminë koronavirus. Kjo shqetëson autoritetet shëndetësore pasi kanë vënë re mos respektim të distancimit fizik.
Për të monitoruar sjelljet e banorëve po përdoren dronë në plazhe dhe vende të tjera publike. Situata me pandeminë koronavirus në Australi paraqitet e qetë, por autoritetet i druhen një shpërthimitë ri të infeksionit për shkak të grumbullimeve masive të qytetarëve.///
ME SHUME LAJME
9 Maji, Dita e Evropës
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”