Fjalë të çmuara/ Të shmangim që e paimagjinueshmja të na pushtojë sërish…

/14/04/2020// “Të rrimë në shtëpi, për gjithë kohën e nevojshme. Të shërojmë të sëmurët. Të imagjinojmë të ardhmen, ta fillojmë që tani. Le të shmangim që e paimagjinueshmja të na pushtojë sërish, edhe njëherë në befasi”, citoi sot Kryeministri Edi Rama, duke zgjedhur të tjera fjalë të çmuara për të përcjellë mesazhin e tij.

Ishin këto fjalë të shkrimtarit italian, Paolo Giordano, që Kryeministri Rama përcolli mëngjesin e sotëm përmes rubrikës “Fjalë të çmuara”.

Ndërkohë që në Shqipëri vijojnë të zbatohen masat kundër përhapjes së COVID-19, duke kufizuar më tej lëvizjen e qytetarëve, autoritetet shtetërore vazhdojnë t’i bëjnë thirrje qytetarëve të qëndrojnë në shtëpi dhe të zbatojnë të gjitha rregullat e distancimit social.//R-SR///